| | 31.07.2009 | Die halbe Weld dudd sich begrieng
weecherm Erdöl, Schbridd und andre Lieng.
Energie denns uns verkaafn fier deiers Geld
und die Leid missns zohln, aa wennsna nedd gfälld. |  | Obber iech bleib kuul, mir is nedd bang,
wall iech hobb Wald und Holz, wu langd.
Des mußmer nedd verschiffn und durch Baiblains joong,
des wächsd widder nooch, doo kammer nix soong.
A so a Holz, des riechd aa so guud,
als Bamm, als Scheidla und als Gluud.
Und kummd aus der Dosn ka Strom mehr raus,
machd des meim Ofm goor nix aus!
Wenn ich gmiedli am Ofm auf meim Bänkla liech
und den warma Gruch vom Holz so riech
und draußn is kald und ganz verschneid,
na machdmer mei Ofm so richdich Freid!
Und schau iech na in die Flamma nei
und des Feier wärmdmer mei Gsichd na glei,
dann waaß iech, doo bin iech derhamm,
mei Ofm und iech, mir zwaa kern zamm!
Drum Kinner und Leid, baßd bloß guud auf!
Wer an Ofm hadd, is besser drauf! | | Zurück |
|
